ରାଜ୍ୟବ୍ୟାପୀ କଡ଼ା ଯାଞ୍ଚ ଅଭିଯାନ; ହେଲମେଟ୍, ସିଟ୍ ବେଲ୍ଟ ଓ କାଗଜପତ୍ର ଯାଞ୍ଚରେ ରହିବ ସ୍ୱତନ୍ତ୍ର ନଜର
ଭୁବନେଶ୍ୱର, ୭ ଜୁଲାଇ (ସିଂହନାଦ):
ଏଣିକି ଟ୍ରାଫିକ ନିୟମକୁ ହାଲୁକା ଭାବେ ନେଲେ ଚଳିବ ନାହିଁ। ରାଜ୍ୟରେ ବଢ଼ୁଥିବା ସଡ଼କ ଦୁର୍ଘଟଣାକୁ ରୋକିବା ଏବଂ ଯାନଚଳାଚଳରେ ଶୃଙ୍ଖଳା ଆଣିବା ପାଇଁ ଓଡ଼ିଶା ସରକାର ଟ୍ରାଫିକ ନିୟମ ଉଲ୍ଲଂଘନକାରୀଙ୍କ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ଏହାକୁ ନେଇ ରାଜ୍ୟବ୍ୟାପୀ ସ୍ୱତନ୍ତ୍ର ଯାଞ୍ଚ ଅଭିଯାନ ଆରମ୍ଭ କରିବାକୁ ନିର୍ଦ୍ଦେଶ ଜାରି ହୋଇଛି।
ଅଭିଯାନ ସମୟରେ ହେଲମେଟ୍ ବିନା ଯାତ୍ରା, ସିଟ୍ ବେଲ୍ଟ ବ୍ୟବହାର ନ କରିବା, ମଦ୍ୟପାନ କରି ଗାଡ଼ି ଚଳାଇବା, ମୋବାଇଲ୍ ଫୋନ୍ ବ୍ୟବହାର କରି ଡ୍ରାଇଭିଂ, ଅତ୍ୟଧିକ ବେଗ ଏବଂ ବୈଧ କାଗଜପତ୍ର ବିନା ଯାନ ଚଳାଚଳ ଉପରେ ବିଶେଷ ନଜର ରଖାଯିବ। ନିୟମ ଭଙ୍ଗକାରୀଙ୍କ ବିରୋଧରେ ଜରିମାନା ସହ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ।
ସଡ଼କ ସୁରକ୍ଷା କେବଳ ସରକାରଙ୍କ ଦାୟିତ୍ୱ ନୁହେଁ, ପ୍ରତ୍ୟେକ ନାଗରିକଙ୍କର ମଧ୍ୟ କର୍ତ୍ତବ୍ୟ। ତେଣୁ ସମସ୍ତ ଯାନଚାଳକଙ୍କୁ ଟ୍ରାଫିକ ନିୟମ ପାଳନ କରି ସୁରକ୍ଷିତ ଯାତ୍ରା କରିବାକୁ ପ୍ରଶାସନ ଅନୁରୋଧ କରିଛି।
Thanks for reading: ରାସ୍ତାରେ ଆଉ ଦାଦାଗିରି ଚଳିବ ନାହିଁ! ଟ୍ରାଫିକ ନିୟମ ଭ।ଙ୍ଗିଲେ ସିଧା କାର୍ଯ୍ୟାନୁଷ୍ଠାନ, Sorry, my English is bad:)